ايه أفضل معجون أسنان؟
ايه هو احسن معجون اسنان ؟! 🤔
الحقيقة ان السؤال ده غلط 😐
الصح ايه احسن معجون لحالة اسناني 🦷
طيب استخدم ايه مع ايه 🙄
عندنا خمس انواع لمعجون الاسنان
يندرج تحتهم كل معاجين الاسنان
١ -معجون الاسنان الوقائي المكافح للتسوس وده زي معظم الانواع الموجوده في السوق زي كلوز اب زي كريست زي سيجنال زي سينسودان
الخ ..
وده بستخدمه لما ميكونش عندي مشكله ف اسناني بستخدمه بس وقائي عشان ميحصليش مشكله ويحافظ ع أسناني من انها تسوس
٢- معجون الاسنان للاسنان الحساسه . والمقصود بالاسنان الحساسه انها مفيهاش تسوس و لكن حساسه للساقع او السخن واوقات الهواء كمان
احسن معجود للحاله دي هو
Sensodyne rapid action
ملحوظه لو الحساسيه نتيجه تسوس ف هي مش هتمشي غير بازاله التسوس وعمل حشو للسنه 🦷
٣ - معجون الاسنان لتبيض الاسنان
وده منستخدموش غير تحت اشراف الطبيب لانه ممكن يضر ومييفدش 🙂
طيب امتي الطبيب بيوصفه
بيتم وصفة لما تكون الاسنان قويه والمريض بيشرب سجاير او شاي وقهوه كتير وفي تصبغات ع الاسنان .
بيستخدم مره واحده فالاسبوع
وبيتم تفريش الاسنان بلطف وفرشاة اسنان ناعمه صغيرة
طيب هو ليه كده مع المعجون ده بالذات 🤔
لان المعجون ده بيدخل ف تركيبه حبيبيات صغيره زي الرمل كده هي المسئوله عن ازالة التصبغات .. ف لو استخدمته بطريقه عنيفه او باستمرار يوميا الحبيبيات دي هتبتدي تاكل ف طبقة المينا و هتضعفها وهتبدي اشوف نتيجه عكسيه وهي ان الاسنان تصفر و تسبب فجوات في سطح الاسنان وبالتالي تسبب حساسيه 😐
وكمان ممكن يسبب التهاب فاللثه بسبب الحبيبيات برضو 😕
٤ - معجون الاسنان لنزيف اللثه
افضل معجون اسنان لنزيف اللثه هو paradontax بس مشكلته ان طعمه مر جدا 😬
بس نتايجه حلوه جدا
الافضل ان لو عندي نزيف لثه اني ازور طبيب الاسنان عشان نعالج السبب .. لان اغلب حالات نزيف اللثه بتكون بسبب الجير .. ف نعمل جلسه ازالة ترسبات جيريه وبعد كده نستخدم المعجون ده وقتها نزيف اللثه هيختفي تماما ف خلال اسبوع 😁
او ممكن يكون السبب ف النزيف هو ضعف الشعيرات الدمويه المغذيه للثه وقتها هيكون العلاج ف الڤيتامينات الموجوده ف الفوكه واهمها فيتامين ج
( vitamin c)
زي الكيوي والفراوله والمانجو والفلفل الرومي والبطاطا 😋
٥- معجون الاسنان للاطفال
زي فلورا للاطفال و زي سيجنال كيدز واي معجون مخصص للاطفال
وده معجون يفرق عن معجون الكبار ان نسبة الفلورايد قليله بما يناسب الاطفال
لان الفلورايد الزايد غلط علي الاطفال
عشان كده ممنوع استخدام اي معجون غير المخصص للاطفال
لمن هم دون ال ٦ اعوام 🦷
٦- معجون الأسنان لبدايات التسوس اللي لسه ما عملتش أي أعراض )زي الألم مع الحلويات أو الاحساس بفجوات(
أفضل حالة في الحالة دي سنسوداين ريبير repair
تعليقات
إرسال تعليق